Son Yeniliklər!
Son yenilikilərə əsasən artıq vakansiyaları irəli çəkmək (daima öndə saxlamaq) pulsuz (ödənişsiz) oldu. Bu xidmətdən yararlanmaq üçün vakansiyanı sosial şəbəkələr üçün 4 ədəd paylaş düyməsindən hər hansı birini istifadə etmək lazımdır. 24 saat sonra sizin vakansiya yenidən irəli çəkiləcəkdir.
Pinkodu itirmiş elan sahibləri 1 AZN ödənişlə öz vakansiyalarını silə bilərlər.

Bugün — 19, 7 gün — 114, ay — 458 yeni elan

Çikaqoda şirkət yaradan azərbaycanlının uğur hekayəsi

Çikaqoda şirkət yaradan azərbaycanlının uğur hekayəsi xeberler Aprel 26, 2019

Çikaqoda şirkət yaradan azərbaycanlının uğur hekayəsi xeberler 621

Çikaqoda şirkət yaradan azərbaycanlının uğur hekayəsi xeberlerBiznes xəbərlər

Çikaqoda şirkət yaradan azərbaycanlının uğur hekayəsi xeberler

Halallıq ən yüksək insani keyfiyyətlərdən biridir. Bu dəyər hər kimdə varsa, o şəxs həm etibarlı və həm də sədaqətli olur. Amerika Birləşmiş Ştatlarının bir dövlət kimi necə olduğu haqqında fikir yürütmək istəmirəm, amma etiraf etməliyəm ki, əksər amerikalıların həyat tərzində hallalıq ən önəmli yerlərdən birini tutur. Burada halal adam oldunsa, səni əhatə edən cəmiyyətin rəğbətini hər zaman hiss edəcəksən…

Haqqında söhbət açmaq istədiyim Əli Əzimov da halal insandır. İyirmi səkkiz yaşında Amerikaya gələnədək bircə dəfə də olsun Azərbaycandan kənara çıxmayan bu soydaşımız məhz elə halal adam olduğu üçün qısa müddətdə bu nəhəng ölkədə özünə şərait yarada bilib…

O, 1983-cü ildə Bakının Buzovna kəndində dünyaya gəlib. 2000-ci ildə həmin kənddə 26 nömrəli məktəbdə orta təhsilini başa vurub. 2000-2004-cü illərdə Azərbaycan Dövlət İqtisad Universitetində təhsilini davam etdirərək, istehlak mallarının keyfiyyətinin təyin edilməsi üzrə ekspert ixtisasna yiyələnib. 2004-2005-ci illərdə hərbi xidmətdə olub. Sonra on il “ZZ motors” şirkətinin ehtiyat hissələri departamentində menecer işləyib. 2010-cu ildə “Green card” udaraq bir il sonra ailəsi ilə ABŞ-ın İllinoys ştatının Çikaqo şəhərinə gəlib…

…Atası Akif Əzimov “BakıQazMaş” zavodunun direktoru olub. Ömrünün son illərində “AzərQaz”da avtomobil parkına rəhbərlik edib. 2004-cü ildə qəflətən dünyasını dəyişib. Anası Ema xanım uşaq bağçasında musiqi müəllimi işləyir…

Əli Çikaqoda məskunlaşandan sonra iki il müxtəlif işlərdə çalışıb. 2013-cü ildə “BakuCaspian” şirkətini yaradaraq biznes sahəsində fəaliyyətə başlayıb. Şirkət yaşlı və eləcə də azyaşlı amerikalıların tibbi nəqliyyatla xəstəxanalara daşınması ilə məşğul olur. 2018-ci ildən başqa bir soydaşımızla birləşərək şirkəti böyüdə bilib. Hazırda 20 sürücüyə və 4 inzibati işçiyə rəhbərlik edir. Onların bir neçəsi azərbaycanlılardır…

Deyir ki,- “Ən böyük arzum Çikaqoda “Azərbaycan Mədəniyyət Mərkəzi” yaratmaqdan ibarətdir. İstəyirəm ki, həmin mərkəzdə azərbaycan dili kurslarından tutmuş, rəqs, musiqi dərnəkləri də olsun. Azərbaycan tarixindən online dərslər tədris edilsin. Qoy balalarımız milli kimliyini itirməsinlər”…

…Ömür-gün yoldaşı Günel xanım məşhur söz ustadı Kəbir Azərinin qızıdır. Kəbir Azəri Nizami Rəmzi ilə birlikdə avtomobil qəzasında həlak olub. Günel xanım ixtisasca ingilis dili müəllimidir. Hazırda həyat yoldaşının şirkətində çalışır. Üç övladı vardır, bir oğlan, iki qız. Oğlu Ayhan 11, qızları Məryəm xanım 8, Xədicə isə 3 yaşındadırlar…

Amerikaya gəlişi həyatının ilk böyük riski olub. İki azyaşlı uşaqla yad bir ölkədə hər şeyi yenidən başlamağın nə qədər məsuliyyətli olduğunu başa düşmək heç də çətin deyil. Yeri gəlmişkən, elə soydaşlarımız var ki, on ildən çoxdur ABŞ-da yaşayır, amma necə deyərlər, hələ də yerində sayırlar…

Bir başqa oğuldur, Əli. Həm yumor hissi, həm mehribanlığı və həm də sədaqəti ilə çoxlarından fərqlənir. Futbol oynamağı xoşlayır, balıq ovu ilə məşğul olmağı özünün hobbisi hesab edir. İbadətindən də heç zaman qalmır, vaxtlı vaxtında namaz qılır, oruc tutur. Deyir ki,- “Burada təəccüblü heç nə yoxdur. Hər bir qul Allahına şükür etməyi bacarmalıdır”…

İkinci ən böyük arzusu isə ailəliklə Həcc ziyarətinə getməkdir. Bəli, ABŞ-a gələndə özü ilə gətirdiyi halallıq ona qısa zamanda amerikalıların etibarını, etimadını qazandırıbsa, özü söylədiyi kimi, qulu olduğu Allah bu arzusunu da inşəallah çin edər…

Elman Eldaroğlu,
ABŞ, Miçiqan

biznes xeberleri
Credit: / is elanlari
is elanlari
Written by:Published by: Copyright holder: on 26-04-2019


Sayt işə düzəltmə şirkəti deyil. Sayt həm iş axtaranların həm də işə götürənlərin yararlana biləcəyi online platformadır. Məqsədimiz əlavə olunan son iş elanlarını, boş vakansiyaları sizə ilk çatdırmaqdır! Saytda elan yerləşdirərkən sizdən ödəniş tələb oluna bilər.